Forgangsröðunin er ekki rétt

Þessi grein segir allt sem segja þarf............ og svo er verið að spá í einhvern hól fyrir Norðan ......

Vilja göng undir Fjarðarheiði

Athugasemdir

[Sigríður (IP-tala skráð) 13.1.2011 kl. 11:53]

Ég vil sjá göng til Seyðisfjarðar - en fyrst vil ég sjá ný göng til Norðfjarðar. Þykir afar mikilvægt að samgöngur á fjórðungssjúkrahúsið gangi algjörlega snurðulaust fyrir sig.

[Tryggvi Þórarinsson, 13.1.2011 kl. 12:13]

Göng eru að því góða en þau þarf að skipuleggja og það tekur tíma og því ætti að setja þá vinnu af stað og þá er hægt að ráðast í verkefnið þegar Vaðlaheiðin hefur verið tekin. Þetta snýst líka um aðra ríkisstjórn því Ögmundur er á móti einkaframkvæmdum og því getur tekið óratíma að koma svona af stað þegar hann situr sem ráðherra..

[corvus corax, 13.1.2011 kl. 12:32]

Þessi hóll fyrir norðan er líklega Vaðlaheiðin með Víkurskarði sem norðanmenn munu víst kalla Vonbrigðaskarð vegna ófærðar þar tíðum. Spurning hvort bloggari nennir að taka saman sams konar tölur fyrir Víkurskarðið eins og hann gerði fyrir Fjarðarheiði og þá sést hvað hangir á spítunni hjá norðanmönnum. Hins vegar erum við Sunnlendingar orðnir þreyttir á þessari gangnaumræðu fyrir norðan og austan. Við viljum að verði sett í algjöran forgang að gera göng á milli Hellu og Hvolsvallar sem mundi koma sér vel ef einhverntíma yrði ófær þessi leið ofanjarðar.

[corvus corax, 13.1.2011 kl. 12:34]

...of fljótur á mér áðan, það var að sjálfsögðu bæjarstjórn Seyðisfjarðar en ekki bloggari sem gaf upp ófærðartölur um Fjarðarheiði og er bloggari því beðinn afsökunar á missögn minni.

[Bjarki (IP-tala skráð) 13.1.2011 kl. 15:05]

Ég hef samúð með aðstöðu Seyðfirðinga í samgöngumálum en ætli fólk átti sig almennt á því að jarðgöng undir Fjarðarheiði þyrftu að vera allavega 12 km löng (tvöfalt lengri en lengstu göng á Íslandi í dag) og yrðu líklega dýrari framkvæmd en Héðinsfjarðargöngin?

Nú getur ríkið ekki einu sinni fjármagnað brýnar vegaframkvæmdir á suðvesturhornin án þess að grípa til veggjalda þannig að ég held að þess verði lengi að bíða áður en hægt er að finna 12-15 milljarða til þess að grafa undir Fjarðarheiði (fyrir utan það að næstu göng sem ríkið fjármagnar verða Norðfjarðargöngin).

[Sigurjón (IP-tala skráð) 13.1.2011 kl. 15:08]

Sunnlendingar eru nú nýbúnir að fá þessa líka fínu höfn sem samgöngubót í sínu kjördæmi :)  Þeir geta td siglt frá Sandeyjarhöfn (Landeyjarhöfn) og til Þorlákshafnar !!

 Þessi höfn kostaði 5 milljarða og svo er búið að eyða mörg hundruð milljónum í að dæla sandi úr henni !!  Þetta er ályka gáfulegt og að flytja sand til Sahara!!

[Einar Bragi Bragason., 13.1.2011 kl. 21:06]

komið hefur upp sú hugmynd að allur jarðvegur úr göngunum (Seyðisfjarðar) væri seldur til Danmerkur þeim vantar víst jarðveg......og við það félli vaskur af göngunum......