Snilldar ljóð Litið um Öxl( þetta er svo... Fallegt ljóð)

Litið um öxl.(lagið er hér til hliðar)
Er úr ljóðabókinni Oddrúnu sem kom út árið 1995.

Söngur Aðalheiður Borgþórsdóttir.
Gítar Jón Hilmar Kárason.Bassi Einar Sigurðson.Píanó Grétar Örvarsson.
Víbrafónn Árni Scheving.Tenor Saxófónn Einar Bragi.Trommur Finn Sletten.

Ég gekk út í lífið með gleði í hug
Og greiðustu leiðina fór
Ég vildi sýna djörfung og dug
Nú dugðu ekki tafir og slór.
Fegursta bjarman í fjarska ég sá
För minni þangað var beint
Ég leit ekki á rósirnar leið minni á
Og lit þeirra fékk ekki greint.

Ég átti mér drauma og síkvika sál
Samviskan glampaði hrein
Lífsþróttur minn var sem logandi bál
Leið mín var örugg og bein.
Á blikandi vængjum mig bjartsýnin hreif
og bauð mér í félag við sig
hátt yfir tindunum hugur minn sveif
og hamingjan umvafði mig.

Ég finn það best núna ég fór heldur geyst
En framinn er manninum kær
Eflaust það hefði mörg leiðindi leist
að líta sér örlítið nær.
Heiðríkjubláminn sem heillaði mig
horfinn og fölnaður er
mig grunaði að ég hafi gengið á svig
við gæfu sem ætluð var mér.

Daufleg er vistin hjá draumlyndri sál
Döpur er einbúans lund
veltast í huganum margbrotin mál
og myndir frá liðinni stund.
Villusöm gerist nú leið yfir lönd
lífsgleðin þverrandi fer
nú er sem gripið sé helkaldri hönd
um hjartað í brjóstinu á mér.

Löng verður brautin mín leitótt og hál
Leiðin er þyrnunum stráð
við  ranghverfan vilja og ruglaða sál
hin rammasta orusta  er háð.
Ef lagni er beitt og með sóma er sótt
sigurinn ætið er vís
oft eftir dimmustu og döprustu nótt
dagurinn fegursti rís.

Alla hefur lengi verið ein allra besta söngkona landsins og gaf út plötuna  Brothætt fyrir nokkrum áraum

En starfar nú sem Menningarfulltrí Seyðisfjarðar 

Athugasemdir

[Aðalheiður Ámundadóttir, 16.7.2007 kl. 11:57]

Þetta er afskaplega fallegt ljóð og vel gert

[Steinunn Camilla, 18.7.2007 kl. 10:33]

mikið er þetta fallegt ljóð!