Fossins afl sem mér er kært

Glymur foss.(lagið er hér við hliðina)
Ljóðið kom á eftir laginu.
Söngur Alda Sif.
Saxófónar,flauta,klarinett strengir,píanó og bassi Einar Bragi.
 
Glymur foss í gljúfraþröng
gnýrinn hljómar dægrin löng,
náttúrunnar ljúfa lag
lætur heyrast nótt og dag
 
Ég tigna þetta ógnarafl
úðann svala hvítan skafl
úti í djúpum ólguhyl
svo undir skelfur klettaþil.
 
Ég ann þér heitt minn fagri foss
og fagna við þinn úðakoss,
hver sem hjá þér stóð um stund
styrkti þor og veika lund.
 
Ég bið þess heitt með bæn á vör
þó breytist hagir versni kjör
að aldrei verði í fjötur fært
fossins afl sem mér er kært.

Athugasemdir

[G.Helga Ingadóttir, 16.7.2007 kl. 14:18]

Nokkuð bara gott ljóð! Gaman af þessu!