Menntaskóla óvissuball.

Það er kannski rétt að blogga aðeins um það að hér fyrir austan var óvissuball hjá ME haldið á föstudagskvöldið upp í Jökuldal.

Lögreglan var með mikinn viðbúnað og hellti niður miklu magni af áfengi auk þess sem að hún hringdi í foreldra ölvaðra barna og lét sækja þau.

Einnig voru margir sektaðir fyrir að gera þarfir sínar á hús og bíla.

Foreldrafélag ME var á staðnum og var börnum og lögreglu til aðstoðar.

Ástæðan fyrir þessu bloggi ........jú þetta er líklega í fyrsta skipti sem tekið er svona fast á þessum málum  hér eystra og kannski komin tími til.

Persónulega er ég ánægður með að Foreldrafélagið og lögreglan hafi náð að vinna svona saman.

Tökum nú á þessum  málum um land allt er ekki kominn tími til að torg, bæir,Veitingastaðir og Félagsheimili þurfi ekki að líta út eins og vígvöllur eftir svokallaðar skemmtanir.

 

 

Athugasemdir

[Björg Árnadóttir, 15.10.2007 kl. 11:42]

Hver man ekki eftir því þegar Festi og önnur álíka félagsheimili voru nánast rústir einar eftir skólaböll? Þetta hefur nú skánað mikið síðan en betur má ef duga skal. Ég hef þá reglu að ef eitthvað er bannað, þá er það bannað! Áfengisneysla er bönnuð innan 20 ára og þá á að taka á henni. Svona er ég nú púkó!

[Jón Halldór Guðmundsson, 15.10.2007 kl. 22:46]

Mér finnast þessar fréttir hreint ótrúlegar. Kannski er bara verið að búa til líflegar umræður til að hvíla okkur á sannleiksleitandanum mikla,  honum Villa gamla og góða borgarstjóra. 

En ljótt er af menntaskólanemar og gestir þeirra voru að gera þarfir sínar á hús og bíla.    Ótrúlegt.

En gott mál ef þessari menningu er sýnd viðspyrna af hálfu lögreglu og foreldra. 

[Gunnar Th. Gunnarsson, 17.10.2007 kl. 02:23]

Dóttir mín tæpl. 17 ára var á þessu balli. Hún minntist ekkert á þessa hluti. Það veldur mér áhyggjum  Þegar börnin manns eru inni hjá sér að leika sér og ekki heyrist múkk í þeim, þá eru þau stundum að gera eitthvað sem þau vilja ekki að maður viti af  Þetta þekkja flestir foreldrar.

[Einar Bragi Bragason., 17.10.2007 kl. 09:14]

Já rétt er það ....en svo voru líka börn þarna bara í fínum fíling og til fyrirmyndar.....En það var tekið vel á hlutunum þarna.