Leyfum vændi

15.10.2007 | 23:42

Já leyfum vændi...... ég hef ekki ennþá farið til þess lands þar sem ég sé ekki íturvaxnar konur í aðskornum pilsum og pinnahælum standa á götuhornum í borgum og bæjum ...og bara þeim til mikils sóma.

Að sjálfsögðu er hætta á að menn fari að misnota þær og já jafnvel fara illa með þær en sá hluti er svo lítill að það tekur ekki að minnast á það.

Ég meina hvað land getur kallað sig land án þess að vera með vændiskonur á götuhornum.......

Að sjálfsögðu er ég ekki með því að leyfa vændi á Íslandi.......en mér finnst röksemdarfærslur þeirra sem vilja fá áfengi í matvörubúðir vera svipaðar þessari............og þetta með að verða kaupa Rauðvínið með steikinni ...HALLÓ...er steik á hverjum degi.

PS.Fer sjáfur í Ríkið og versla fyrir veislur og annað og vorkenni mér ekkert að þurfa gera það.

Flokkur: Stjórnmál og samfélag | Breytt 16.10.2007 kl. 14:18 | Facebook

Athugasemdir

Mér finnst gleymast mjög mikilvægt atriði þegar umræðan um áfengi í matvöruverslunum flæðir yfir. Það eru unglingarnir sem eru í íhlaupavinnu með skóla í þessum verslunum. Þau missa tækifæri á að afla sér lífsviðurværis á þennan hátt.

Ég hef áður minnst á að líklega er þetta plott vegna ummæla Eiríks formanns kennara þegar hann miðaði laun umbjóðenda sinna við laun nemenda þeirra í hlutastörfum. Þarna missa kennarar viðmiðunarstéttina. Hvað gera bændur þá.

Þórbergur Torfason, 16.10.2007 kl. 00:07

Já vændið ég gleymdi því. Það er mörg matarholan.

Þórbergur Torfason, 16.10.2007 kl. 00:08

Góður. Hélt að þú ætlaðir að sitja við tölvuna næstu dagana að svara kommentum...

En ég er þér sammála. Held að matvöruverslanir hafi ekkert með þetta að gera. Áfengi er og verður áfengi. Það þarf ekkert að vera að henda því inn í matvöruverslanir til þess að hafa aukið aðgengi að því.

Svo finnst mér í raun gjaldfelling á víninu að setja það við hliðina á frosnum kjúklingabringum frá Danmörku eða kannski mjólkurkælinum...

Skyr.is og 2 kippur Thule... (innkaupamiðinn sem konan hefur sent á SMS)

Það þarf enginn að segja manni að þetta myndi ekki koma til með að auka á drykkjuna sem er alveg nóg að því er virðist á neyslutölum.

Sé fyrir mér: Tilboð á léttvíni; kaupir 2 og færð 3. fría!!!

Eða tilboð fyrir verslunarmannahelgina; 24x 500cl, pakki af Doritos og 12pk af durex..., afsláttur ef þú ert í Námunni hjá Landsbankanum...

Hef sjálfur keypt karton af rettum þar sem fylgdi með peli af ódýru Wisky í kaupbæti í matvöruverslun.

vcd

Bragi Þór Thoroddsen, 16.10.2007 kl. 00:14

Þú segir nokkuð. Maður verður að hafa fyrir bjórnum. Annars missir hann kúlið...

Eyþór Árnason, 16.10.2007 kl. 00:16

Sammála. Ég er alveg handviss um að ég myndi kaupa oftar vín ef það væri við hliðina á mjólkinni. Þar sem mig vantar ekkert að kaupa oftar vín og landann vantar ekkert að þurfa að hreyfa sig enn minna en hann gerir nú þegar, vil ég hafa kerfið eins og það er.

Björg Árnadóttir, 16.10.2007 kl. 09:00

Veistu, þetta á bara að vera eins og þetta er. Lítum t.d. á Noreg, Svíþjóð og Danmörk. Í Noregi og Svíþjóð er þetta selt í Systembolaget (ríki þeirra þarna úti) sem er á vegum ríkissins, þar þekkist alkahólismi í svipuðum tölum og hér á landi, sem virðist normalt eigum við að segja. Í Danmörku er selt vín í verslunum við hliðina á steikarborðinu og þar er alkahólisminn rokinn upp úr öllu valdi.

Þegar við erum með unglinga í vinnu í matvöruverslunum þá komum við ekki til með að hafa eftirlit með þessu og ég er ekki að niðra unglingana, þeir eru fínir blessaðir heldur höfum við engann mannskap til að sinna eftirliti. Ég vil bara hafa smá fyrir því að ná í mitt rauðvín og hvítvín.

Margrét Össurardóttir (IP-tala skráð) 16.10.2007 kl. 09:19