Hass til lækninga ?????????

Hass til lækninga???????

Ég veit ekki, var að horfa á 60 mínútur í kvöld og þar var ágætis umfjöllun um hvað sú ákvörðun hefur farið út í mikla vitleysu hjá þeim í Californiu. 

Að vísu fyndist mér það allt í lagi ef að strangt eftirlit væri með hverjir fengu slík lyf því að ég geri mér grein fyrir að Mariujana linar þjáningar þeirra sem eru mjög sjúkir og  jafnvel við dauðans dyr, en eru ekki þegar til lyf í landinu sem gera slíkt?.

En hvar ætti þá að stoppa?

Annars var þetta fróðlegur þáttur sem styrkti mína skoðun á að gefa ekkert eftir í fíkniefna baráttunni.

 Þessi mynd er fengin af netinu og sýnir vel hversu falleg augu menn hafa sem eru duglegir í hassinu.

Athugasemdir

[Zaraþústra, 9.1.2008 kl. 00:02]

Þetta er ekki svo einfalt.  Þeir sem þjást af krónískum sársauka geta ekki endalaust tekið inn verkjalyf.  Það verður að takmarka skammtinn í flestum tilfellum til að valda ekki lifra- eða nýrnaskemmdum.  Þetta á sérstaklega við um fólk með hvítblæði.  Í stuttu máli, eitrunaráhrif kannabis eru mikið vægari en flestra ef ekki allra verkjalyfja sem þarf við krónískum sársauka.  Ég var reyndar að lesa um daginn að nokkrir vísindamenn væru komnir vel á leið að búa til verkjalyf úr kannabisplöntunni sem veldur ekki vímu.

[Nanna Katrín Kristjánsdóttir, 9.1.2008 kl. 08:40]

Þetta er á mjög gráu svæði, auðvita eins og allt annað gott, þá yrði þetta misnotað(eins og t.d. læknalyf eru í dag).  Ég las nýja rannsókn ekki alls fyrir löngu sem afsannaði að Mariujana og has væru alls ekki eins skaðlaus og fólk hefur haldið fram hingað til.  Hingað til hefur því verið haldið fram að þessi efni valdi einungis skaða meðan efnið er í líkamanum og sé jafnvel ekki skaðameiri en venjulegar sigaréttur.  Nýjar rannsóknir sýna fram á að þessi efni valda langvarandi og illa viðráðanlegum geðsjúkdómum s.s. þunglyndi, þráhyggju, kvíða, ofsóknaræði ofl. sem gerir lífið harðara en það á að vera.

[Linda Lea Bogadóttir, 9.1.2008 kl. 09:53]

Vildi að ég hefði vitað af þessum þætti... Ég verð bara reið reið reið þegar ég heyri svona þvælu og vitleysu - eftir að hafa horft upp á þær skemmdir sem hassið veldur á heilastarfsemi einstaklinga. Ég veit að Hassið skaðar - ég get ekki ímyndað mér að það geti verið notadrjúgt til lækninga... það riðlar dópamín framleiðslunni í heilanum og án undantekninga fer einstaklingurinn í svo kallað geðrofsástand þegar neyslu er hætt eða ef það líða of margir dagar fram að næsta smók...
Þær fréttir bárust mér að um 200-300 einstaklingar heimsækja geðdeild Landspítalans á ári hverju vegna Geðrofsástands... sem hægt er að rekja að mestu til hassreykinga...  Þunglyndi í kjölfarið er einnig verulegt og lífshættulegt þeim sem misnota hass...

[Júdas, 9.1.2008 kl. 18:12]

Þátturinn sýndi það berlega hvað þetta var farið úr bönunum og að auki voru þessi lög ekki skýrari en það að lögreglan hreinsaði til þarna reglulega.

[Hólmdís Hjartardóttir, 10.1.2008 kl. 12:59]

Hass er stundum notað til að minnka ógleði hjá krabbameinssjúklingum. Einkum krabbameini í eistum

[Þorbjörn, 10.1.2008 kl. 16:05]

Skíðasvæðið drengur...

Hvernig er staðan á Stafdalnum? Ég finn hvergi neitt um hann á netinu, textavarpið er enn dagsett í apríl sl. og allar fréttir á öðrum síðum eru frá 2005 eða eitthvað...

Á ekki að fara að opna?

 kv. Þorbjörn

[Þorbjörn, 10.1.2008 kl. 16:06]

já, og símsvarinn er dauður.

[Einar Bragi Bragason., 10.1.2008 kl. 16:20]

það er allt sundurgrafið þarna en stefnum á að opna í næstu vikur...skálinn er kominn og troðarinn líka......þannig að þetta er allta að koma....