Af hverju í andsk.

Er verið að skipuleggja svæði þar sem flugvöllurinn er,lífæð okkar landsbyggðarmanna.....þar fóru 6 millur í bull.Staðsetning Reykjavíkur flugvallar er okkar beina leið á spítala..........eins og ég hef spurt áður.......er líf okkar á landsbyggðinni svona helv. lítils virði.

Nú ek reiður.

Úrslit í keppni um skipulag Vatnsmýrar kynnt

Athugasemdir

[Greta Björg Úlfsdóttir, 14.2.2008 kl. 21:52]

Einar, þegar komin verður hraðlest milli Keflavíkur og Reykjavíkur mun ekki skipta neinu máli fyrir landsbyggðarfólk þó flugvöllurinn verði þar. Eða er eitthvert mál að sitja einhverjar mínútur í lest? Veit ekki hversu lengi hraðskreiðustu lestir yrðu að fara þarna á milli, en það er örugglega ekki langur tími.

[Greta Björg Úlfsdóttir, 14.2.2008 kl. 21:55]

Enda- eða aðalstöð lestarinnar er einmitt plönuð í Vatnsmýrinni, og einnig er gert ráð fyrir léttlestarkerfi (hvað sem léttlest er nú, hef aldrei heyrt það orð fyrr) út frá þessari miðstöð út um borgina, sem myndi gera samgöngur frá flugvelli-lestar/umferðarmiðstöð-úthverfi mun hagstæðari en nú háttar til.

[Greta Björg Úlfsdóttir, 14.2.2008 kl. 21:57]

Lest frá Keflavík - eða þeim stað sem fyrir valinu verður fyrir nýjan flugvöll.

[Brjánn Guðjónsson, 14.2.2008 kl. 21:57]

þetta flugvallarsvæði er sem krabbamein í borginni minni. ef þú hefur áhyggjur af spítalamálum, er það önnur umræða. ég styð heilshugar uppbyggingu sjúkrahúsa víðsvegar um landið. að ætla að neyða okkur til að hafa þennan ógeðslega flugvöll, vegna spítalmála, er fáránlegt.

[Ragnar Geir Brynjólfsson, 14.2.2008 kl. 22:03]

Flugvöllurinn verður stundum nánast eina leiðin bæði til og frá Reykjavík fyrir utan sjóleiðina. Ekki er lengra síðan en 25. janúar að bæði Reykjanesbrautin og Suðurlandsvegurinn lokuðust sama daginn.

[Gunnar Th. Gunnarsson, 14.2.2008 kl. 22:07]

6 millur? Kostaði þetta ekki 100 millur, með útgáfu þessarar bókar og samkeppnin í heild? Minnir að Dagur B. Hafi sagt það í gær.

[Einar Bragi Bragason., 14.2.2008 kl. 22:12]

Greta ég myndi ekki vilja ferðast kannski marg brotinn ísjúkrarúmi til Keflavíkur og svo með lest til Reykjavíkur...

Brjánn ég er originall Reykvíkingur og hef aldrei fattað þessa andstöðu við Flugvöllinn.

[Einar Bragi Bragason., 14.2.2008 kl. 22:13]

Já sorrý Gunnar verðlaunaféð voru 6 millur.

[Greta Björg Úlfsdóttir, 14.2.2008 kl. 22:37]

Einar, auðvitað er þarf að að hafa neyðarflugvöll fyrir sjúkraflutninga í Reykjavík, en miðstöð farþegaflugs á alls ekki að vera það. Þetta eru tvö aðskild mál.

Kosturinn við að flygja innanlandsflugið til Keflavíkur og tengja síðan með lest við Reykjavík er sá að þá tæki lestin við umferð bæði utan af landi og frá útlöndum og myndi þannig standa betur undir sér fjárhagslega, heldur en ef drita þyrfti tvenns konar samgönguleiðum við flugvelli út úr borginni, einu fyrir innanlandsflug og öðru fyrir millilandaflug. 

[Greta Björg Úlfsdóttir, 14.2.2008 kl. 22:38]

Afsakið villurnar, gleymdi að lesa yfir, skilst vonandi samt.

[Greta Björg Úlfsdóttir, 14.2.2008 kl. 22:41]

Sá neyðarflugvöllur þarf alls ekki endilega að vera í Vatnsmýrinni, það er alls ekkert sjálfgefinn staður, ekki síst ef hátæknisjúkrahúsið margumtalaða yrði reist annars staðar, til dæmis á Vífilsstöðum. Af hverju þarf allt slíkt endilega að vera kjurt í miðbæ Reykjavíkur?

[Einar Bragi Bragason., 14.2.2008 kl. 22:46]

Gréta þetta er voða falleg pæling hjá þér en ef að innanlandsflugið fer úr Reykjavík ......þá leggst það einfaldlega niður.

En á meðan að við Íslendingar getum ekki einu sinni klárað að malbika hringveginn þá er það raunhæfast að flugvöllurinn verði þar sem hann er.

[Greta Björg Úlfsdóttir, 14.2.2008 kl. 22:46]

Eins og er eru sjúkrahús á tveimur stöðum í Reykjavík, við Hringbraut og í Fossvoginum. Af hverju ekki neyðarflugvöll í nágrenni Fossvogsins, alveg eins og/frekar en Hringbrautarinnar? Auk þess sem bráðamóttaka vegna beináverka o.þ.h. er í Fossvogi, en ekki við Hringbrautina. Þar eru heilaskurðlækningar líka staðsettar, o.s.frv. Alveg eins mikilvæg bráðamóttaka og við Hringbraut.

[Greta Björg Úlfsdóttir, 14.2.2008 kl. 22:49]

Ég veit nú reyndar ekki betur en að innanlandsflug sé samasem aflagt nú þegar, þó flugvöllurinn sé í Vatnsmýrinni, vegna þess að enginn venjulegur Íslendingur hefur efni á að taka flugið milli landshluta eins og er. Sifellt fækkar ferðum og stöðum sem flogið er til.

[Greta Björg Úlfsdóttir, 14.2.2008 kl. 22:51]

Af hverju er ekki byggt undir flugumferð hér á landi? Allt virðist snúast um malbik sem víðast fyrir einkabílana.

[Greta Björg Úlfsdóttir, 14.2.2008 kl. 22:55]

Ég fæ alls ekki séð að það skipti neinu höfuðmáli fyrir innanlandsflugið hvort miðstöð þess er í Vatnsmýri eða í Keflavík. Það skiptir mun meira máli að gera fólki úti á landi kleift að nota flugið án þess að setja sig á hausinn, svo það verði lítið mál að skreppa suður með flugvél, í stað þess að þurfa að skælast um þjóðvegina.

Ég hef reynslu af þessu frá því að ég bjó úti á landi og hafði ekki efni á að eiga bíl og heldur ekki að taka flugið suður. Tók allan daginn með rútunni, sem þó var heldur ódýrara en með flugi, maður lagði það ekki oft á sig. Maður var þarna í hálfgerðu vistarbandi. 

[Einar Bragi Bragason., 14.2.2008 kl. 22:57]

Reykjavíkurflugvöllur á þeim stað er komin með mikla reynslu ,þá er ég að meina að menn vita upp á hár hvernig veður og vindar virka þar.

Mér finnst fáranlegt að fórna því.

Það tekur enga stund að fara frá Reykjavíkurflugvelli í Fossvog.

Flug frá stöðum eins og Akureyri og Egilsstöðum er alltaf að aukast.........oft 5 ferðir á dag frá Egilsstöðum......við teljum okkur venjulega Íslendinga en verðum því miður að borga þetta verð þó að það sé oft dýrt en einnig eru oft góð tilboð í gangi.

Hvernig heldurðu þá að það væri að fara borga 1000 -3000 kall í viðbót í lest

[Greta Björg Úlfsdóttir, 14.2.2008 kl. 23:04]

En svo getur náttúrlega ömurlegt að vera bíllaus í Reykjavík, vegna þess að þar miðast allt við einkabílinn og almenningssamgöngur eru á leiðinni að leggjast af.

En að hugsa þannig er samt töluverður aumingjaskapur, það var ég minnt á þegar vinafólk mitt sem býr í Berlín var hér um daginn, já í jan.-feb., í hálfan mánuð og ferðaðist fótgangandi og með strætó þann tíma sem þau voru hér. Að vísu geri ég ráð fyrir að þau hafi stundum verið sótt þegar vinafólk bauð þeim í mat o.þ.h. En vinkona mín kom með strætó í brunakulda í Þjóðleikhúsið, þegar ég hafði splæst á mig leigubíl! (treysti mér ekki á bílnum vegna snjóalaga, ég er enn á sumardekkjunum, og verð það áfram). 

[Einar Bragi Bragason., 14.2.2008 kl. 23:06]

þarna kemurðu einmitt að vanda Reykvíkinga ......að nota almennings samgöngur

[Greta Björg Úlfsdóttir, 14.2.2008 kl. 23:07]

Ertu að miða verðið í lestina við það sem kostar að taka flugrútuna í dag?

Ég er alls ekki komin til með að sjá að það verði verðlagið sem muni gilda fyrir lestarferð þarna á milli. Held að það yrði mun ódýrara.

[Greta Björg Úlfsdóttir, 14.2.2008 kl. 23:08]

Kerfið sem stendur til að byggja upp í Vatnsmýrinni gerir einmitt ráð fyrir bættum almenningssamgöngum, með miðstöð þar...

[Einar Bragi Bragason., 14.2.2008 kl. 23:09]

varla......þegar að það kostar 1000 kall að fara í gegnum göng

[Einar Bragi Bragason., 14.2.2008 kl. 23:10]

málið er að ég hef þurft að fara með slasað barn með sjúkraflugi til Reykjavíkur og veit hvað þetta skiptir miklu máli.

[Greta Björg Úlfsdóttir, 14.2.2008 kl. 23:10]

Með sömu rökum má segja að það tekur enga stund að fara frá Fossvoginum yfir á Hringbautina....

[Greta Björg Úlfsdóttir, 14.2.2008 kl. 23:11]

Mér finnst ekki rétt að blanda saman sjúkraflugi og almennu farþegaflugi í þessari umræðu.

[Greta Björg Úlfsdóttir, 14.2.2008 kl. 23:17]

Ég vann fyrir nokkrum árum á Laufásborg, leikskóla sem er til húsa í gömlu, reislulegu húsi við Laufásveginn. Ég get svarið það að stundum hélt maður að flugvélar væru að koma niður í hausinn á manni þegar þær komu inn til lendingar í lágflugi yfir miðbæinn - það ver frekar ónotalegt, vægt til orða tekið.

[Greta Björg Úlfsdóttir, 14.2.2008 kl. 23:19]

Hvar er flugvöllurinn á Egilsstöðum staðsettur? Þó ekki inni í miðjum bænum? 

Alls staðar þar sem ég þekki til úti á landi er flugvöllurinn spölkorn utan við sjálfan bæinn, í Reykjavík er hann í miðborginni!

[Einar Bragi Bragason., 14.2.2008 kl. 23:20]

En veistu að ég held að það sé ekkert pláss fyrir flugvöll í Fossvoginum og svo held ég að það væri nú slæmt að skemma þessu fáu grænu bletti sem eftir eru í Reykjavík borginni sem er alltaf að verða grárri og grárri

[Greta Björg Úlfsdóttir, 14.2.2008 kl. 23:33]

Ég er heldur alls ekki að mæla með flugvelli í Fossvoginum, bara að segja að flugvöllur þarf ekki endilega að vera í Vatnsmýrinni um aldur og ævi, þó Bretum hafi þóknast að byggja hann þar á stríðsárunum...það hlýtur að vera hægt að finna betri stað.

[Greta Björg Úlfsdóttir, 14.2.2008 kl. 23:34]

Mikið verður nú Vatnsmýrin græn og falleg þegar búið verður að flytja flugvöllinn þaðan.

[Einar Bragi Bragason., 14.2.2008 kl. 23:35]

Er ekki betra að hafa hann þar sem hann er öruggan og góðan......og sníða umhverfið að honum.

[Einar Bragi Bragason., 14.2.2008 kl. 23:39]

og ég gleymdi jú það má segja að flugvöllurinn sé í miðbæ Egilsstaða

[Greta Björg Úlfsdóttir, 14.2.2008 kl. 23:39]

Er flugvöllurinn öruggur og góður staðsettur mitt inni í þéttri borgarbyggð? Mér þykir þú segja fréttir.

[Greta Björg Úlfsdóttir, 14.2.2008 kl. 23:41]

Jæja, en hann verður þarna víst næstu árin, og verðlaunaskipulagið miðast meira að segja ekki alfarið við að hann verði fluttur, heldur gefur svigrúm hvað það varðar. Það hlýtur þó að gleðja "Vatnsmýrarsinna".

[Anna Guðný , 14.2.2008 kl. 23:47]

Eða að flyta bara höfuðborgina til Reykjanesbæjar, mér sýnist það fara að verða einfaldara og einfaldara

[Einar Bragi Bragason., 14.2.2008 kl. 23:48]

Gréta Flugvöllurinn er akkúrat þarna af ástæðu.........á sínum tíma var þetta skoðað frá ýmsum sjónarhornum.......ég held að eina alvarlega flugslysið fyrir utan Verslunarmannahelgarslysið fyrir um 5-6 árum hafið verið í seinni heimsstyrjöldinni þegar að bresk sprengjuflugvél hrapaði í Vatnsmýrina....e

[Einar Bragi Bragason., 14.2.2008 kl. 23:51]

Já gæti verið Anna Guðný

[Guðbjörg Elín Heiðarsdóttir, 15.2.2008 kl. 01:25]

Þar sem ég bjó í Vancouver, bc. Canada  í 1.ár og fór víða um borgina til að skoða hana og eins til að versla , að þá tók ég sérstaklega eftir því þegar ég fór í Costco verslunarmiðstöðina ( verslunarkeðja ) um hábjartan dag að þotur voru að koma inn til lendingar á Vancouver,bc flugvellinum. Þarna voru stórar Jumbo þotur sem minni að koma til lendingar og flugu lágt yfir borgina og lentu á sínum flugvelli og engum til ama. Mér fannst gaman að fylgjast með þeim og sjá þessi þverlíki búa sig til lendingar og mér var oft hugsað heim til Íslands um Reykjavíkurflugvöllinn, hvað fólk væri að tjá sig og tala á móti flugvellinum í Reykjavík. Ég spurði fólk sem býr í Vancouver bc, hvort einhver slys hefðu orðið þar sem flugvöllurinn væri staðsettur inní miðri borginni og þoturnar flygju svona lágt yfir, og svarið sem ég fékk var NEI. Ég hafði mjög gaman af því að fylgjast með þotunum koma svona lágt yfir borgina og búa sig undir lendingu. Þvílík sjón að sjá ! Ég get ekki séð að það þurfi að flytja Reykjavíkurflugvöll til Keflavíkur. Það er 100 x meiri flugumferð um Vancouver flugvöll í Vancouver bc, Canada en á Reykjavíkurfluvelli.

[Gunnar Th. Gunnarsson, 15.2.2008 kl. 01:29]

Mjög dýrt er að leggja járnbrautarteina, kaupa lestirnar sjálfar og reka þær og marg ítrekað verið sýnt fram á með útreikningum að þær eru ekki arðbærar á Íslandi. Kannski dæmið breytist eitthvað ef innanlandsflugið fer til Kef. En ódýrt verður það ekki og ekki á flugverðið bætandi. Auk þess, eins og Einar Bragi bendir á, yrði flutningur vallarins suðureftir, banabiti innanlandsflugsins. A.m.k Akureyrarflugsins.

[Benedikt V. Warén, 15.2.2008 kl. 08:59]

Hvernig væri að fólk eins og Greta mundi snúa dæminu við og hugsa sér að sjúkrahúsið væri á Egilsstöðum og Reykvíkingar öðluðustu sjálf þau "forréttindi"að ferðast stórslösuð eða fárveik um Reykjanesbrautina og í flug á sjúkrahús til Egilsstaða. 

Það að skrifa eins og Greta. "Ég veit nú reyndar ekki betur en að innanlandsflug sé samasem aflagt nú þegar, þó flugvöllurinn sé í Vatnsmýrinni, vegna þess að enginn venjulegur Íslendingur hefur efni á að taka flugið milli landshluta eins og er. Sifellt fækkar ferðum og stöðum sem flogið er til".  Þetta er staðhæfing sem enginn fótur er fyrir og ekki sæmandi upplýstri konu eins og Gretu, að setja á þrykk. 

Hún þarf ekki annað en að kynna sér málið til þess að sjá að rúmlega 500.000 manns nota innanlandsflugið ár hvert og fer vaxandi.

Ég ítreka það hér, innanlandsflugið er "lestarstöð" okkar Íslandinga og hvergi í höfuðborgum heimsins dettur mönnum í hug að aðal lestarstöðin eigi að vera annarsstaðar en í miðborginni.

[Greta Björg Úlfsdóttir, 15.2.2008 kl. 20:37]

Benedikt, ég vil benda þér á að ef lest væri lögð milli Keflavíkur og Reykjavíkur þá væri ferðalagið eftir Reykjanesbrautinni úr sögunni - sem er mergurinn málsins hvað mig varðar með því að vilja lest á þessari leið.

Auk þess hef ég margsagt að það þyrfti samt sem áður að starfrækja neyðarvöll vegna sjúkraflugs í Reykjavík. Sem betur fer eru fæstir þeirra sem ferðast milli staðanna úti á landi og Reykjavíkur stórslasaðir, heldur ósköp venjulegir ferðamenn í hinum ýmsu erindagjörðum.

Ég er ánægð að heyra hversu margir ferðast með innanlandsflugi, það gerir lagningu lestar á þessari leið enn fýsilegri, þegar skoðaður er samanlagður sá fjöldi innlendra og erlendra ferðamanna sem myndi nýta sér hraðlest í staðinn fyrir að aka með rútu eða einkabíl eftir Reykjanesbrautinni! 

[Greta Björg Úlfsdóttir, 15.2.2008 kl. 20:44]

"Hún þarf ekki annað en að kynna sér málið til þess að sjá að rúmlega 500.000 manns nota innanlandsflugið ár hvert og fer vaxandi."

Skoðaði í framhaldi af þeirri tölu sem Benedikt gefur hér upp fæ ég ekki séð að stórhætta muni vera á því að innanlandsflug muni leggjast af þó Reykjavíkurflugvöllur væri færður úr miðborginni og spölkorn út fyrir "borgina".

"Ég ítreka það hér, innanlandsflugið er "lestarstöð" okkar Íslandinga og hvergi í höfuðborgum heimsins dettur mönnum í hug að aðal lestarstöðin eigi að vera annarsstaðar en í miðborginni."

Þessum orðum Benedikts vil ég svara þannig að hvergi nokkurs staðar annars staðar en hér dettur mönnum að aðalflugvöllur fyrir innanlandsflug eigi að vera staðsettur í miðborg höfuðborgar landins. Alls staðar annars staðar eru flugvellir í útjöðrum borga. 

[Sturla Snorrason, 16.2.2008 kl. 01:28]

Greta þú talar um að flugvöllurinn sé í miðri borg, ég held að þú ætti að fá þér kort af borginni, eða farðu á bloggið mitt og skoðaðu myndina sem ég tók í 4000fetum yfir Mosfellssveit af borginni og segðu okkur svo að flugvöllurinn sé í miðri borg.

[Einar Bragi Bragason., 16.2.2008 kl. 01:41]

Já góð pæling Sturla

[Predikarinn - Cacoethes scribendi , 16.2.2008 kl. 13:01]

Greta Björg Úlfsdóttir :  Mjög víða um heim eru einmit flugvellir inni í borgum. Sjáið Hong Kong, þar koma Júmbóþoturnar inn á milli skýjakljúfann til lendingar. Sjá einnig Kaupmannahöfn, Lundúnir, New York, Los Angeles o.fl. o. fl.

Lest til Flugstöðvar Leifs Eiríkssonar í Sandgerði mun kosta á bilinu kr. 45-75.000.000.000,  . Þá er ótalinn rekstrarkostnaður. Reiknaðu svo farþegafjöldann á ári og notaðu svo ca. 60 % af því í lestina. Þá færðu út farmiðaverðið, án fjármagnskostnaðar og hagnaðarálagningar. Ætli það sé ekki MARGFALT ódýrara að taka bara rútuna eða einkabílinn ?

[Greta Björg Úlfsdóttir, 16.2.2008 kl. 14:04]

Sennilega hefði ég frekar átt að segja inni í miðju íbúðarhverfi, Sturla, enda gefur það enn sterkari mynd af því af hverju ég vil ekki hafa flugvöll þar sem þétt byggð er allt í kring.

Kaupmannahöfn: Kastrup er utan við meginbyggð.

Londona: Heathrow er það líka.

Þetta hefur þú upplifað ef þú hefur komið til þessara borga, þar sem það er tölvuverð leið með lest, strætó eða leigubíl af flugvellinum á næsta hótel, hvað þá inn í miðborgina. 

Til Hong Kong og Los Angeles hef ég því miður ekki komið, og veit þess vegna ekki hvernig þetta er þar. 

Í júlí 2004 ferðuðust 36.493 erlendir farþegar með rútu á milli Leifsstöðvar og Reykjavíkursvæðisins. Ef þeim farþegafjölda sem við myndi bætast við flutning flugvallar þarna vestur eftir er bætt við mynd þessi tala hækka töluvert, auk þess sem hún er 3ja ára gömul og umferð hefur aukist, heldur en hitt.

Ég veit ekki hvað það kostar að leggja lest þarna á milli, en arkitekar og ráðamenn Reykjavíkurborgar virðast álíta það kostnaðarins virði. Ég held að það verði ekki margfalt ódýrara að taka rútuna.

[Greta Björg Úlfsdóttir, 16.2.2008 kl. 14:06]

Ég held að það yrði upplit á Dönum ef lagt yrði til að fara að lenda Júmbóþotum við hliðina á Ráðhústorginu!

[Bjöggi (IP-tala skráð) 16.2.2008 kl. 15:26]

Þeir ætla nú að færa flugvöllinn í Hong Kong, það gengur víst ekki að hafa hann í miðborginni, LAX og kenededy eru líka í úthverfum þó flugvellirnir séu í "borginni". Þótt maður horfi á landakort þá er miðborg RVK ekki í landfræðilegri miðju, hún er það heldur ekki í flestum stórborgum, heldur er miðborgin þar sem elsta byggðin er, en flugvöllurinn í RVK er akkúrat þar sem elsta byggðin er. Það er fáránlegt að hafa flugvöllinn þarna í vatsmýrinni, hefur þú einhvertíman setið á torgi í miðborg einhverstaðar í heiminum og það flýgur flugvél rétt yfir hausinn á þér á korters fresti ?

Núna þar sem þar sem hátæknisjúkrahúsi hefur verið ýtt út af borðinu í bili er ekkert ólíklegt að nýr flugvöllur og sjúkrahús rísi í útjaðri borgarinn eftir 15-20 ár, en það væri langfarsælasta lausninn að mínu mati.

[Benedikt V. Warén, 16.2.2008 kl. 15:57]

Í Kaupmannahöfn er aðal lestarstöðin í miðri borginni og sjálf stöðin og aðliggjandi spor taka talsvert meira landrými en flugvöllurinn í Reykjavík.  Flugvöllurinn í Kastrup er ekki mjög frábrugðinn flugvellinum í Reykjavík, í jaðri byggðar með aðflug yfir borgina á eina braut, þó ekki sé flogið beint yfir Ráðhústorgið í Köben.

Reykjavík hefur skyldum að gegna við landsbyggðina og þar með talið, að aðkoma til borgarinnar verði viðunandi fyrir sem flesta, þar með talið fyrir okkur dreifbýlismennina. 

Ef Reykvíkingum finnst ekki tiltökumál að lengna ferðatímann hjá okkur landsbyggðarmönnum um eina og hálfa klukkustund (45 min í hvora áttina eftir Reykjanesbrautinni) ráðlegg ég þeim sömu að flytja út úr borginni í rólegra umhverfi, upplifa þau forréttindi að aka í 30-45mín til og frá borginni og losna um leið við þá áþján, sem fer svona ólýsnalega í taugarnar á þeim, að lifa og hrærast í nágrenni flugvallarins.

Það er ekki heldur rétt hjá Gretu með London, því þar er flugvöllur inn í miðri borginni, sjá: http://www.londoncityairport.com/index.php

London City Airport is the UKs leading business airport and the only airport in London. The airport is only two miles from the site of the 2012 Olympic Games; three miles from Canary Wharf and six miles from the City of London. Eleven airlines serve 33 destinations across the UK and Europe (as of the spring 2008 schedule).

Í Stokkhólmi er einnig flugvöllurinn Bromma: http://www.lfv.se/templates/LFV_InfoSida_70_30____47228.aspx

Welcome to Stockholm-Bromma Airport
Bromma is Stockholm’s city airport and your fastest alternative to and from the Swedish capital. 

Here everything is close at hand: check-in, security screening point, services, baggage claim, ground transport and parking. At the same time, Bromma is a major airport, Sweden’s fourth-largest in passenger volume.

Because of its proximity to central Stockholm, environmental standards are extra tough. Only the quietest, most environmentally friendly aircraft may land at Bromma. 

Ég tók bara þessi tvö dæmi, en af nægu er að taka.  Í London og Bromma eru gerðar kröfur um afkastagetu og hávaða flugvélanna og það væri nær að komast niður á það plan í umræðunni í stað þess að klifa sífellt á því að leggja starfsemina niður.

Greta, - eins og ég skrifaði hér að ofan.  Bara kynna sér málið aðeins betur áður en stungið er niður fingri á takkaborðið. 

[Jón (IP-tala skráð) 16.2.2008 kl. 16:14]

http://mannvitsbrekka.blog.is/blog/mannvitsbrekka/

[Greta Björg Úlfsdóttir, 17.2.2008 kl. 19:08]

"Ef Reykvíkingum finnst ekki tiltökumál að lengna ferðatímann hjá okkur landsbyggðarmönnum um eina og hálfa klukkustund (45 min í hvora áttina eftir Reykjanesbrautinni)"

Benedikt, lest þú aldrei nema til hálfs það sem aðrir skrifa, eða af hverju heldur þú áfram að stagast á Reykjanesbrautinni?

Hef ég ekki margsagt hér að ég vil leysa það mál með HRAÐLEST, það er að segja HRAÐLEST, á milli Reykjavíkur og Keflavíkur. Þar með yrði umferðarþungi á Reykjanesbraut hvað flugfarðþega varðar ÚR SÖGUNNI!

Ég geri mér ekki alveg grein fyrir hvað langan tíma það tæki hraðskreiða lest að fara þá vegalengd, en það tæki alla vega ekki 45 mínútur hvora leið.

Hvað myndir þú annars gera við þær 45 mínútur sem þér áskotnast við það að vera fyrr kominn til Reykjavíkur, með því að fá að lenda í Vatnsmýrinni?Þú gætir til dæmis nýtt þér þær í að sitja fastur í umferðarteppu einhvers staðar innan Reykjavíkur, ef þú er heppinn. Nýlega var mér bent á af konu með reynslu, að ferðalagið ofan úr Grafarvogi og til Hafnarfjarðar tæki gjarnan jafn langan, ef ekki lengri tíma og ferðin frá Hafnarfirði til Keflavíkur! 

Hvenær hefur þú hugsað þér að hysja upp um þig og horfast í augu við að þú lifir í þjóðfélagi sem þróast örum skrefum í átt til þess sem gerist í öðrum löndum í kringum okkur? 

[Greta Björg Úlfsdóttir, 17.2.2008 kl. 19:14]

Bíddu, Jón IP-tala, snotur umræða hjá mannvitsbrekkunni, en hvað koma ísbirnir því við hvort flugvöllur verður áfram í Vatnsmýrinni, sem mun ekki gerast, eða verður fluttur annað, sem er það sem mun gerast - ?

[Benedikt V. Warén, 17.2.2008 kl. 22:52]

Greta, hvað kostar að byggja og reka lestarkerfi???  Fyrst þú ert svona fróð um hraðlestir, upplýstu okkur um kostnaðinn.    Hvað mundi kosta farið með slíku farartæki??  Hvernig eiga sjúklingar að ferðast í lest?  Á fyrsta eða öðru farrými?? 

Er Reykjavík eingöngu höfuðborg Reykvíkinga, eru engar skyldur gagnvart landsbyggðinni??  Ef ekki má vera flugvöllur í Vatnsmýrinni, hvar á sjúkraflugvöllur þá að vera??  Hver er munurinn á sjúkraflugvelli og venjulegum áætlunarflugvelli??  Hver er munurinn í tækjabúnaði s.s. aðflugsbúnaði og mannahaldi?? 

Ef hægt er að leggja flugbrautir á Lönguskerjum, hentar það þá ekki alveg eins til íbúðarbyggðar??  Hefur þú kannað veðrið í dag??  Hefur þú athugað hverjar líkur hefðu verið á flugi t.d. frá Hólmsheiðinni??  Síminn hjá Veðurstofunni er 522-6000

Umferðarhnútar í Reykjavík koma flugi í Vatnsmýrinn hreint ekkert við frekar ísbirnir.  Þar er við misvitra hönnuði umferðarmannvirkja að sakast.  Ekki verður umferðarteppan minni ef tugþúsunda íbúðabyggð bætist við í Vatnsmýrinni, hefur þú hugleitt það?

Ég les mjög nákvæmleg það sem þú skrifar Greta, og það undrar mig meir og meir hvað sigldur, vel upplýstur og gáfaður einstaklingur eins og þú greinilega ert, tekst að setja fram hluti án þess að kynna þér þá, - þó ekki væri nema smá. 

Lítið dæmi hjá þér Greta: "....hvergi nokkurs staðar annars staðar en hér dettur mönnum að aðalflugvöllur fyrir innanlandsflug eigi að vera staðsettur í miðborg höfuðborgar landins. Alls staðar annars staðar eru flugvellir í útjöðrum borga."

Það er eitt að hafa tilfinningu fyrir hlutunum eins og t.d. trúarbrögðum og pólitík og annað að fara rangt með staðreyndir eins og hvar flugvellir eru staðsettir.  Hugleiddu það.

[Greta Björg Úlfsdóttir, 18.2.2008 kl. 00:30]

"Because of its proximity to central Stockholm, environmental standards are extra tough. Only the quietest, most environmentally friendly aircraft may land at Bromma."

Þú værir kannski til í að upplýsa hvað flugvélar uppfylla þessi skilyrði og hvort þær fyrirfinnast í flugvélaflotanum í dag? Eða hvað það kostar að breyta núverandi flugvélaeign svo hún uppfylli þessi skilyrði, sem hún gerir alveg greinilega ekki í dag, því þá væri ekki kvartað undan hávaða frá fluginu, eða hvað?

Þér hlýtur sem flugmanni og flugvallarstarfsmanni að vera fullkunnugt um allan kostnað í þessu sambandi, við endurnýjun eða endurbætur á flotanum. Sá kostnaður myndi væntanlega verða unninn upp með hækkun flugfargjalda, geri ég ráð fyrir, rétt eins og allur annar aukakostnaður hvað varðar hagræðingu í farþegaflugi innanlands, að þínu mati.

Ég á alveg von á að þú munir hafa tölur um þetta á hraðbergi, rétt eins og þú reiknar með að húsmóðir í Austurbænum muni geta lagt fram tölur um hvert útreiknað fargjald myndi verða með hraðlest milli Keflavíkur og Reykjavíkur, út frá kostnaði við verkframkvæmdir við lagningu og rekstur slíkrar lestar. 

[Benedikt V. Warén, 18.2.2008 kl. 21:36]

Þú verður að fyrirgefa Greta, - en eins og þú fjallaðir um hraðlestir, datt mér ekki annað í hug en þú vissir bara hreint allt um þær.

Hvað varðar flugvélar, eru þær í stöðugri þróun og margar borgir gera kröfu um að hávaði sé innan ákveðinna marka.  Þá eru það viðkomandi stjórnendur flugvallar sem gefa út hvejar takmarkanirnar eru í samráði við borgaryfirvöld.  Á flugvellinu London City Airport er t.d. leyfi fyrir fjögurra hreyfla þotu British Aerospace BAE-146, sem er af sömu gerð og Færeyska flugfélagið Atlantic Airways notar og er með áætlun inn á Reykjavík City Airport.  Sú gerð af flugvél er mjög hljóðlát, en flestar flugvélar sem eru að renna út úr verksmiðjunum þessa dagana eru það einnig.

Fokker flugvél Landhelgisgæslunnar F-27 framleiðir t.d. margfalt meiri hávaða en Fokker flugvélar Flugfélagsins F-50.  Það helgast af fullkomnari flugmótor í þeim síðarnefndu og einnig gerð skrúfublaða.   Fokker flugvél Landhelgisgæslunnar verður sennilega lagt á næsta ári þegar ný og hljóðlátari kemur í staðinn, endurnýjun er einnig hafin hjá Flugfélaginu.

Flugfélög fá yfirleitt aðlögunartíma ef farið er út í að takmarka flug flugvéla, ef hávaðinn í þeim fer yfir tilskilin mörk, sem eru mæld í decibel (db).  Áður en hægt er að fara að tala um kostnað, verður að vita hverjar kröfur verða gerðar.  Flugfélögin hafa alltaf verið reiðubúin að vinna með flugmálayfirvöldu hvort heldur er að bættu flugöryggi eða takmörkun á flugi um kvöld og nætur.  Ég sé því enga vankanta á því að þau taki fullan þátt í að draga úr hávaða. 

Allur kostnaðarauki lendir að lokum á neytendum, í þessu tilfelli ætti hann að vera hverfandi þar sem eðlileg endurnýjun er þegar hafin.

Sumar borgir gera einnig kröfur til einkaflugvéla, en hljóðkútar í þeim eru mjög frumstæðir og flugvélamótorar eru það einnig, lítil þróun hefur átt sér stað undanfarin ár.  Hér er einnig að verða breyting á.  Það er verið að þróa nýja mótora og hljóðkúta, og nú þegar hefur einnig orðið vart við að vélar í þeim flokki framleiði minni hávaða.

Fyrst af öllu þurfa borgaryfirvöld í samráði við flugmálayfirvöld að koma sér saman um hvaða kröfur og takmarkanir verði gerðar, vegna flugs um Reykjavíkurflugvöll.  Þá verður einnig ljóst hvaða vélum verður úthýst frá vellinum og þá gæti skapast meiri sátt (ró) um flugvöllinn í Vatnsmýrinni, sem mun verða þar um langa framtíð. 

[Ólafur Vignir Sigurðsson (IP-tala skráð) 19.2.2008 kl. 00:23]

Mikil umræða.

Virkilega mikill fróðleikur að sjá þau Benedikt og Gretu munnhöggvast um Reykjavíkurflugvöll.

Benedikt hefur sagt allt sem ég hefði viljað sjálfur segja.  Enda hefur hann mikla þekkingu í þessum efnum, það er mér kunnugt um.  Orðum hans má treysta.

Greta segir: "Mikið verður nú Vatnsmýrin græn og falleg þegar búið verður að flytja flugvöllinn þaðan".

Númer eitt, þá er bara ekki hægt að flytja flugvöllinn úr Reykjavík, og það verður að stöðva strax þrengjandi aðgerðir að honum.  Frambærilegur staður þar er ekki til.  Nema Álftanes, en þar þyrfti að brjóta niður hundruð nýrra húsa, og líklega einnig Bessastaði.  Álftanesið er þó sá eini kostur sem kæmi til greina flugtæknilega með öryggi í huga.

Númer tvö, þá verður ekki einn einasti grænn fersentimeter í Vatnsmýrinni ef flugvöllurin þar verður brotinn niður. Það verða bara háhýsi og bílageymslur.

Að þessu leyti talar Greta uppúr botnlausum poka vanþekkingarinnar.  Að öðru leyti eru hennar hugmyndir mjög áhugaverðar.

Fyrir það fyrsta þá þarf vitanlega að koma hraðlest milli Reykjavíkur og Keflavíkur.  Og það sem fyrst.  Ekki til höfuðs Reykjavíkurflugvelli, heldur til hagsbóta öllum landsmönnum í alþjóðaflugi, sem og íbúum Reykjanesbæjar, sem að ég held að meira en helmingurinn af vinni á  borgarsvæðinu.

Og þar sem ég er núna að skrifa á Austfirskan vef, vil ég ekki láta hjá líða að nefna mitt hjartans mál, sem hér að ofan hefur einnig verið fjallað um, og það eru göngin sem flestum er ljóst að verða að koma, milli Neskaupstaðar, Mjóafjarðar og Egilsstaða með tengingu við Seyðisfjörð.

Sjúkrahúsið í Neskaupstað er eina alvörusjúkrahúsið á Austurlandi eins og nú er.  Heitir líklega Fjórðungssjúkrahús að fornri skilgreiningu.   Þegar til þess var stofnað, og frameftir árum, bar það titilinn með miklum sóma, enda samgöngur milli þjónustustaðanna öðruvísi en nú er.  Mest sjóleiðis.   Og er enn öflugasta sjúkrahús svæðisins. Samgöngurnar hafa breyst og ekki tekið þróun. Á Seyðisfirði er sjúkrahús einnig, öflugt og virkt, og Heilsugæslustöð á Egilsstöðum.  Þær einingar þurfa oft að senda sjúklinga til Neskausstaðar en einnig til Reykjavíkur vegna staðsetningar sjúkrahússins í Neskaupsstað, þar sem í mörgum tilfellum er Reykjavík betri kostur vegna kostnaðar.

Í nútímanum er Sjúkrahúsið í Neskaupstað orðið afskekkt.   Bæði fólksfjöldalega séð og samgöngulega séð. Næsta byggð nánast á Dalatanga, þar sem búa innan við 5 persónur.

Bygging sjúkrahúss er óhemjudýr.  Milljarðamál. Það er hægt að komast hjá því að byggja upp nýtt sjúkrahús á svæðinu með því að gera  jarðgöng fyrir miklu minna fé.  Jarðgöngin hafa um áratugi verið í hugum fólks og skilgreind á pólitískum vettvangi.

 Látum þau verða að veruleika.  Það er nauðsynlegt

[Einar Bragi Bragason., 19.2.2008 kl. 09:18]

Já göngin verða að fara koma.........

[Greta Björg Úlfsdóttir, 19.2.2008 kl. 19:49]

"Að þessu leyti talar Greta uppúr botnlausum poka vanþekkingarinnar.  Að öðru leyti eru hennar hugmyndir mjög áhugaverðar."

Ólafur, ert þú búinn að fara og skoða tillögur að skipulagi Vatnsmýrarinnar í Listasafni Reykjavíkur?

Það hef ég gert. Þar má sjá að það er gert ráð fyrir stækkun Hljómskálagarðsins til suðurs, sem sé stóru grænu svæði á þessu svæði. Auk þess sem engin háhýsabyggð er á þeirri áætlun, þar er gert ráð fyrir lágreistri byggð, ekki háhýsum. Mér finnst að þú ættir að endurskoða þetta tal þitt um botnlausaan poka vanþekkingarinnar og hverjum hann tilheyrir í þessu tilfelli. 

[Greta Björg Úlfsdóttir, 21.2.2008 kl. 00:30]

Mig langar til að spyrja Guðbjörgu hvort hún hefði getað hugsað sér að búa þarna í grennd við Costco verslunarmiðstöðina í Vancouver?