Leikskólabörn og Töfraflautan

Þegar að ég var víst 6-7 ára (Þetta sögðu foreldrar mínir mér) gerðust undur og stórmerki á heimili mínu.......Einar Bragi Bragason sagði ekki múkk í marga klukkutíma.

Málið var að það var verið að sýna óperuna Töfraflautuna eftir Mozart í sjónvarpinu(og þá í svart hvítu) og ég varð alveg heillaður og hef verið það síðan þá.

Jæja, á Miðvikudögum fer ég alltaf og kenni tónföndur í leikskólanum hér, við höfum gert ýmislegt í vetur sungið lög eftir mig við dýravísur Hákonar Aðalsteinssonar og eftir Gullu sem er sniðugur leikskólakennari hér  sem hefur búið til skemmtileg leikskólalög.

Um daginn vorum við að hlusta á tónlist frá Brasilíu og vorum að skreyta trommur(fékk sendingu af málningardósum frá Málningu hf)

En í dag sýndi Hr Mozart að hann getur enn fengið börn til að sitja kyrr og hlusta......Við sem sagt hlustuðum og horfðum á nokkra kafla úr Töfraflautunni ...börnin voru alveg heilluð og einn vildi að Pabbi sinn keypti svona DVD disk.

og svo endaði ég tímann á að sýna þeim Todmobile og Sinfó með Pöddulagið einnig á DVD en með því var ég að sýna þeim að sinfónísk hljóðfæri væru enn notuð og einnig í popptónlist.

Kannski verður þetta til þess að þessi börn segja ekki oij þegar einhver nefnir Óperur í framtíðinni.

Athugasemdir

[Signý, 2.4.2008 kl. 23:09]

Þetta finnst mér frábært!... Færa tónlistina nær börnunum... það finnst mér að meigi gera miklu meira af. Ég allavega nýtti allann þann lausa tíma sem gafst til að glamra á gítarinn minn með krökkunum á leikskólanum sem ég vann á. Þau eru nefnilega alveg ofsalega mótækileg fyrir öllu svona lítil... 

Töfraflautan var einmitt eitt af uppáhöldum mínum sem krakki, og reyndar bara enn... algjörlega bjútífúl!

[Einar Bragi Bragason., 2.4.2008 kl. 23:18]

Já og einmitt á þessum aldri finnst þeim engin tónlist skrítin......þetta er einfalt

[Svala Erlendsdóttir, 3.4.2008 kl. 00:07]

Hey! hvar fæ ég svona töfraflautu á dvd, gæti notað hana í vinnunni minni í Ævintýralandi...

[Marta B Helgadóttir, 3.4.2008 kl. 00:08]

Skemmtileg frásögn. Takk fyrir mig.

[Einar Bragi Bragason., 3.4.2008 kl. 00:14]

Gæti verið til í Skífunni en ég pantaði á Amason

[Berglind Sigurðard (IP-tala skráð) 3.4.2008 kl. 08:32]

ætli það hafi verið á sama tíma og ég horfði á töfraflautuna?? gleymi því aldrei ,sat ein og horfði alveg dáleidd. gaman að þessu.

[Jón Halldór Guðmundsson, 3.4.2008 kl. 09:05]

Bara frábært mál hjá þér.

[Steingerður Steinarsdóttir, 3.4.2008 kl. 10:06]

Skemmtileg færsla.

[Ásgeir Páll Ágústsson, 3.4.2008 kl. 10:48]

Ég brá mér einmitt á Töfraflautna fyrir börn í Vínarborg fyrir skemmstu.  Sú sýning hefur gengið ár eftir ár í Staatsoper, alltaf fyrir fullu húsi og börnin sitja agndofa.  Frábært hjá þér Einar að kynna þetta fyrir börnum.  Fordómaleysi þeirra gefur þeim forskot á okkur hin að meðtaka.

 kv. frá Salzburg.

[Tinna Árnadóttir (IP-tala skráð) 3.4.2008 kl. 13:00]

Já litla frænka mín 4ra ára sat alveg stjörf yfir Puccini óperu og bað á hverjum degi um að horfa á hana aftur! Enda Puccini snilld...

En gaman samt að fá loksins skýringu á þessu Töfraflautu æði þínu hehe... þú ættir nú að taka þér smá skottúr í borgina 11-13 apríl og koma í óperuna að horfa á smá Mozart, þetta verður rosa skemmtilegt (sko sýningarnar eru 6, 9 - lokuð sýning, 11, og 13 apríl en ég syng bara 11 og 13) Cosi fan tutte

[Einar Bragi Bragason., 3.4.2008 kl. 16:10]

Tinna væri alveg til ......var einmitt búinn að skoða augl. um þetta en er að spila......verður þetta ekki tekið upp?

[Tinna Árnadóttir (IP-tala skráð) 4.4.2008 kl. 17:57]

veistu ég held því miður að þetta verði ekki tekið upp....

[Pétur Kristinsson, 4.4.2008 kl. 23:55]

Alveg pottþétt til á piratebay.com 

[Einar Bragi Bragason., 4.4.2008 kl. 23:57]

hvernig virkar piratebay.com

[Pétur Kristinsson, 5.4.2008 kl. 00:03]

Hey, ekki spyrja mig þekki nákvæmlega ekkert inná þetta, hef eingöngu heyrt af þessu af orðspori. Kannski slæmur húmor þar sem ég er á móti stuldi á tónlist.

[Einar Bragi Bragason., 5.4.2008 kl. 00:08]

he he he

[Margrét Birna Auðunsdóttir, 8.4.2008 kl. 23:27]

Þetta hefur ábyggilega verið sama Töfraflautan og ég horfði á, sjónvarpsútgáfa Ingmars Bergman frá 1975. Í mörg ár á eftir var ég sannfærð um að Mozart hefði verið sænskur. Ógleymanlegir englarnir þrír á skýinu sem sungu Í dag er glatt í döprum hjörtum, sem hét auðvitað eitthvað allt annað. Miðað við kommentin hér á undan virðast fleiri en ég hafa setið dáleiddir og horft á ÓPERU! Hún var svo skemmtileg enda kvikmynduð af snillingi.