Leikhúsprik

Við fjölskyldan fórum í leikhús í kvöld og horfðum að stór skemmtilega sýningu Leikfélags Seyðisfjarðar í Félagsheimilinu Herðubreið.

 Sýningin heitir Kallarðu þetta Leikrit og er eftir Ágúst Torfa Magnússon.

Sýningin fjallar um lítið leikfélag úti á landi sem er að setja upp leikrit..einn bæjarbúinn er að skrifa það á sama tíma og það er byrjað að æfa það.

Ráðinn hefur verið rándýr leikstjóri að sunnan.

Nú dömurnar í leikhópnum eru spenntar fyrir honum enda finnst honum ekkert leiðinlegt að daðra við þær og endar þetta allt með ósköpum á frumsýningu.

Alveg bráðskemmtilegt leikrit.....ég vil sem sagt gefa leikfélagi Seyðisfjarðar stórt prik fyrir skemmtilega sýningu og um leið minna fólk á það hversu þessi áhugamannaleikfélög eru nauðsynleg.

Gaman er að sjá hversu góðir leikarar eru til á svona litlum stað....þarna var td heil fjölskylda að leika saman á sviði.

Tónlistin í sýningunni var skemmtileg og var meðal annars notað lag eftir mig í henni ........og var mjög gaman að sjá og heyra Ívar Björnsson sem sló í gegn í sýningunni syngja lag mitt við ljóð Hákonar Aðalsteinsonar Litið um öxl.

Til Hamingju Leikfélag Seyðisfjarðar. 

Athugasemdir

[Doddi - Þorsteinn G. Jónsson (IP-tala skráð) 8.5.2008 kl. 11:38]

Ég hefði mikinn áhuga á að sjá þetta leikrit. Ég segi til hamingju líka - og auðvitað smá plús til þín fyrir verkið þitt í sýningunni, sem er tekin af hinni stórgóðu plötu Skuggar

Bestu kveðjur frá eyri akurs...

[Berglind Sigurðard (IP-tala skráð) 8.5.2008 kl. 16:38]

besta leikrit sem ég hef séð lengi, enda seyðfirðsk framleiðsla.