Tónleikar eða Karókí

Sá nú ekki alla tónleikana í kvöld en var að spá......Ég sá að Páll Ósakar notaði bara undirleik af cd og líklega hafa Garðar þ. Cortes,Nylon og Luxor notað svipað apparat.........finnst fólki það bara allt í lagi....
Palli syngur ávallt vel en mér sem tónlistarmanni finnst þetta alveg hrikalega leiðinlegt að horfa á.....SSsól voru live sá þá líka og ég veit að Todmobile hafa verið magnaðir.....og Mugison,Bubbi,Bó og Stuðmenn þó að mér virðist sem bloggarar séu ekki alltof ánægðir með Stuðmenn í kvöld.
Æi mér finnst alltaf að svona Playback dæmi sé hálf glatað.
Ég meina Nylon td er að verða það fullorðið dæmi að þær verða miklu flottari með bandi.

Annars fannst mér sándið úr sjónvarpinu ekki gott....söngurinn var alltof framarlega miðað við undirleik sem gerði tónlistina kraftlausa.

En eins og ég sagði þá sá ég aðeins Palla og SSsól.

Athugasemdir

[Jens Guð, 18.8.2007 kl. 14:45]

  Það er virðingaleysi og dónaskapur við áhorfendur þegar músíkin er bara spiluð af disk eða úr tölvu.   Ég heyrði ekki í Todmobile en ég sá á einhverjum bloggum í nótt að hljómsveitin hafi verið rammfölsk.  Það var ekki frekar útskýrt þannig að ég veit ekki hver eða hverjir voru falskir. 

[Margrét Össurardóttir (IP-tala skráð) 18.8.2007 kl. 16:20]

Verð að viðurkenna að ég er sammála þér, það er í raun hálf upplifun þegar tónlistin er spiluð af teipi eða úr tölvu.  Færð ekki nærri eins mikið út úr tónleikunum.

[Res (IP-tala skráð) 19.8.2007 kl. 11:57]

  Sæll Einar er þér sammmála, þetta playback er steingelt,en Jens Todmobile þeir vöru ekki falskir

[Björg Árnadóttir, 19.8.2007 kl. 18:02]

Todmó voru ekki falskir - Andrea var það! Hún náði sér bara aldrei á flug. Eyþór byrjar alltaf hálf ryðgaður en kemst svo í gírinn en sorrý... veit ekki hvað gekk að Andreu. Eyðilagði alveg fyrir mér stemminguna hjá þeim.

Mugison var hins vegar alveg ÆÐI! Ég sat ein heima í stofu og var alveg komin fram á sófabrún með andateppu af innlifun yfir þeim. Svona á að gera þetta!

Þetta með pleibakkið er smá halló. Skil það vel með nýjar grúbbur eins og Lúxor en mér finnst að það hljóti að vera hægt að redda þessu öðruvísi. Ekki endilega heila symfóníu eins og Garðar hefði þurft, en það mátti splæsa í nokkra hljóðfæraleikara. Ef þeir áttu ekki fyrir því þá var hægt að spara með því að fækka atriðum.

Stuðmenn ættu hins vegar að fara að leggja sig í rúmin sem bíða eftir þeim á Grund. Amma fattaði ekki einu sinni hvað þeir voru að meina með þessu!

[Einar Bragi Bragason., 19.8.2007 kl. 21:22]

ææ  voru Stuðmenn svona slappir

[Björg Árnadóttir, 19.8.2007 kl. 22:11]

Slappir er kurteislega sagt! Hvernig þeim datt í hug að spila lágstemmda Týrólamúsík lag eftir lag á svona hljómleikum er mér hulin ráðgáta. Enda sá ég að þeir voru búnir að tæma stúkuna rétt um það bil sem þeirra gigg var hálfnað. Þetta var bara sorglegt.

[Wilhelm Emilsson, 20.8.2007 kl. 02:56]

Góður títill hjá þér. Þegar ég sé karaókí "hljómleika" dettur mér alltaf Milli Vanilli í hug. Þeir voru krossfestir fyrir að syngja ekki sitt eigið efni og mæma, en sennilega voru þeir bara misskildir frumherjar.