Lærbrot og sjáið svo

í morgun lærbrotnaði eldri manneskja hér á Seyðisfirði og sjáið svo hvaða leið bíður sjúklingsins.....

Fjarðarheiði enn í stuði með tilheyrandi ófærð.....líklega tel ég að manneskjan verði send með sjúkraflugi annað hvort suður til Reykjavíkur eða norður til Akureyrar.

Ekki með þyrlu...þið sem haldið að eina sjúkraflug á landinu sé með þyrlum......Annars er eins og að Vegagerðin sé alltaf að reyna fegra ástandið á Fjarðarheiði í morgun var á vef hennar Fjarðarheiði auglýst snjór og þoka en að öðru leiti fær.....Fjöldi fólks fór af stað og situr þar fast........Það er búinn að vera snjóþungur vetur...... það snjóþungur að það kviknar í tækjunum....Við þurfum hvað?????? jú alveg rétt göng

Athugasemdir

[Pétur Kristinsson, 31.3.2008 kl. 14:15]

Hvernig er staðan með þessa bora sem okkur stóð til boða eftir að borun við Kárahnjúka lauk?

[Einar Bragi Bragason., 31.3.2008 kl. 14:17]

Það er hægt að kaupa þá og Landsvirkjun vill það helst ........

[Pétur Kristinsson, 31.3.2008 kl. 15:33]

Og er ekki búið að sýna fram á hagkvæmni þess? Drífa í þessu sem fyrst.

[Einar Bragi Bragason., 31.3.2008 kl. 17:14]

Jú það er búið að því en beðið eftir skýrslu frá Noregi

[Haraldur Bjarnason, 31.3.2008 kl. 17:30]

Er kannski þessi lærbrotni einstaklingur í bílalestinni sem björgunarsveit er að hjálpa niður af heiðinni?

[Björg Árnadóttir, 31.3.2008 kl. 19:18]

Varð hugsað til þín og þinnar baráttu þegar ég heyrði af sjúklingi föstum í sjúkrabíl á Fjarðarheiði í dag og björgunarsveitir að drösla honum til byggða. Þetta er nú bara ekki hægt!! (hneyksl, hneyksl!!) 

[Sigbjörn Nökkvi Björnsson (IP-tala skráð) 31.3.2008 kl. 19:50]

Jæja komdu sæll Einar, nú er svo komið að ég get nú ekki orða bundist yfir þessari Fjarðarheiði. Á þessu korti sem þú sýnir þarna er svört lína sem þýðir að það sé þungfært sem er þannig skilgreint á vef vegagerðarinnar ''Vegyfirborð þakið af snjó með þykkt meiri en 20 sm og/eða stökum sköflum og færð þannig að ekki telst öruggt færi nema fyrir jeppa og stærri ökutæki'' einnig kemur þarna fram að það sé skafrenningur á heiðinni og 17 m/s, ég held að það hljóti nú bæði að vita og sjá það hver maður að þetta er nú ekki ferðaveður fyrir Héraðsþyrsta Seyðfirðinga á fólksbílunum sínum. Í allan dag eru bæði snjómokstursmenn og Vegagerðarmenn búnir að vera á heiðinni til að ferja fólk niður af heiðinni.    Vissulega ætla ég ekki að neita því að göng væru vissulega flott mál fyrir ykkur Seyðfirðinga en ég er nú búinn að sjá hvernig fólk hegðar sér þarna á heiðinni þar sem ég hef oft mokað þarna ásamt því að vita mjög vel hvernig málum er háttað þarna. Mér þykir það bara leiðinlegt að horfa á kollega mína rakkaða endalaust niður fyrir það mikla verk sem þeir vinna þarna og á meðan það kemur ansi oft fyrir að fólk einfaldlega skoðar bara ekkert hvað er í gangi en að lokum ætla ég að óska þér góðs gengis í baráttunni með göngin ásamt árnaðaróskum um farsæla ferð yfir Fjarðarheiði.

[Einar Bragi Bragason., 31.3.2008 kl. 20:06]

Það er enginn að rakka niður þá sem að moka heiðina en aftur á móti getum við oft skotið á verklagsreglur Vegagerðarinnar......ástæðan að héraðsþyrstir Seyðfirðingar fóru á heiðina í dag er einföld...merkingin fyrir hádegi var hálka og þoka......þessi merking sem þú vitnar í var sett inn á netið seinna.

Ég held að Seyðfirðingar séu með þeim betri í akstri þegar að kemur að snjó og nægir þar að nefna hversu fá slys hafa orðið á FJarðarheiði í gegnum árin.......

Ég man ekki eftir neinum sem skammast út í mokstursmennina sjálfa.......menn vita að það eru skipanir sem koma að ofan sem eru oft skrítnar.

[Berglind Sigurðard (IP-tala skráð) 31.3.2008 kl. 21:22]

  ¨  en ég er nú búinn að sjá hvernig fólk hegðar sér þarna á heiðinni þar sem ég hef oft mokað þarna ásamt því að vita mjög vel hvernig málum er háttað þarna. ¨

Hvaða fólk ert þú að tala um þarna Sigbjörn? fólk sem þarf að komast í þjónustu eins og flug,vinnu og annað? vissulega kemur fyrir á bestu bæjum að fólk fari á heiðina án þess að tjekka á færð en veður getur verið gott þegar maður leggur af stað en skollið í blind byl á nokkrum mínutum og við því er ekkert að gera, ég veit allt um veður á heiðinni þar sem bæði faðir minn og frændur hafa alið manninn þar síðan þeir voru unglingar, á snjóbílum og allskonar farartækjum, svo hef ég ekki verið var við það að það sé verið að rakka niður snjómokstursmenn hér í þessum firði, eiga þeir allt gott skilið frá okkur. EN það er ólíðandi að fólk sé 4 tíma slasað á fjarðarheiði vegna ófærðar,þess vegna þurfum við GÖNG.

[Njöddi (IP-tala skráð) 31.3.2008 kl. 22:37]

Það má segja að það sé farið að hitna í kolunum.

Ég er nú sammála þér Einar þegar þú segir " Ég held að Seyðfirðingar séu með þeim betri í akstri þegar að kemur að snjó og nægir þar að nefna hversu fá slys hafa orðið á FJarðarheiði í gegnum árin......."

Þetta á líka við um sumarumferð.

[Hjalti Bergsson (IP-tala skráð) 31.3.2008 kl. 22:41]

Eini maðurinn sem ég mætti á fólksbíl í dag var rendar Héraðsmaður á leið á Seyðisfjörð;).  En hann fór á fólksbíl vegna þess að samkvæmt upplýsingum frá vegagerðinni þá var hálka og þoka, semsagt fólksbílafært.  Um klukkan 10 var ég á leð til Seyðisfjarðar og ég rétt komst upp á Norðurbrún ákvað ég að bíða efti plógnum því ég vissi að hann var einhversstaðar þarna.  Þá hringdi ég í 1777 til að forvitnast hvaða upplýsingar vegagerðin gæfi upp um ástandið.  Hálka og þoka sagði konan, þetta er sennilega í fyrsta og eina skiptið sem ég lendi í hálku sem nær upp fyrir stuðara.  Þessi meinta hálka var allveg eins fyrr um morguninn þegar ég fór frá Seyðisfirði.  Það er þetta sem vegagerðin þarf að laga, það eru rangar upplýsingar sem fólk fer eftir og leggur illa útbúið á heiðina.  Fólk treystir á textavarpið, netið og 1777 og réttar upplýsingar þar gætu beint fólki frá heiðinni eins og kom á daginn í dag. 

Ég fer yfir þessa heiði nokkrum sinnum á dag og ég get nákvæmlega ekkert kvartað yfir þeim sem sinna snjómokstri á Fjarðarheiði.  Kanski fyrir utan þegar þeir lokuðu á laugardaginn sem var sennilega besti dagurinn á heiðinni síðan á miðvikudag.  Þessir menn gera í raun meira en til þeirra er ætlast og standa sig allveg frábærlega og eru þarna uppi að hjálpa fólki við mjög slæmar aðstæður.  Það er samt eitt sem ég get sett út á og Það er stundum hversu seint þeir hálkuverja.  Þegar ég fer til baka úr sveitinni um 9:30 þá er stundum ekki enn búið að sanda og oft mjög mikil hálka.  Það er mjög slæmt að það sé ekki farið í það fyrr vegna þess að á þeim tíma eru allir komnir yfir sem eru að sækja vinnu, í skóla, á leið í morgunflug ofl.   En mokstursmennirnir sjálfir eru að standa sig eins og hetjur á heiðinni og eigum við ekkert sökótt við þá. 

 Fjarðarheiði er einn hættulegasti fjallvegur á Íslandi og þegar kemur vetur eins og er núna þá sjáum við hversu mikilvægt er fyrir okkur Seyðfirðinga að fá göng.  Ef hægt væri að tengjast nágrönnum okkar betur með bættum samgöngum þá lítur þetta allt öðruvísi út fyrir okkur.  Þá væri t.d hægt að halda úti þjónustu sem ekki er grudvöllur fyrir í dag og stærra atvinnusvæði.  Þetta er í raun lísfsspursmál fyrir þetta bæjarfélag.

[Einar Bragi Bragason., 31.3.2008 kl. 23:18]

þetta kalla ég sko alvöru innlegg

[Berglind Sigurðard (IP-tala skráð) 1.4.2008 kl. 18:54]

nákvæmlega frændi, þetta var það sem ég var að meina en var svolítið reið þegar ég skirfaði þetta innlegg hér að ofan svo það komst ekki alveg til skila, en þú reddaðir þessu gamli minn.

[Sigurður Gunnarsson (IP-tala skráð) 1.4.2008 kl. 21:21]

Ferjan er komin á Seyðisfjörð í dag. Meðal ökutækja sem komu er húsvagn og mótorhjól. Vegagerðin segir að það sé flughált á Fjarðarheiði. Mér sýnist að þar sé einnig þoka og ofankoma. Ég leyfi mér að efast um að gestirnir séu útbúnir fyrir það sem mætir þeim þarna uppi.