Einn besti Hljóðfæraleikari landsins kvaddi okkur í gær.

Það voru ekki skemmtilegar fréttir sem ég fékk í fær þegar að Grétar Örvarsson vinur minn hringdi í mig...Árni Scheving félagi okkar dáinn.

Árni er einn að þeim tónlistarsnillingum sem að ólu mig músiklega upp.

Ég man alltaf hvað ég var stoltur þegar að hann sagði við mig að það væru 3 hljóðfæraleikarar af minni kynslóð sem að hann gæti treyst  í og fengið í hvaða spilamennsku sem er Kidda Svavars, Grétar Örvars og mig.

Við spiluðum þó nokkuð mikið saman í gegnum árin og meðal annars leikur hann á víbrafón í laginu litið um öxl á disknum mínu en það er einmitt hér í spilaranum á síðunni, neðsta lagið sungið af Aðalheiði Borgþórs.

Ég sendi fjölsk. Árna mínar dýpstu samúðarkveðjur. 

 Hér ert ilkynningin af heimasíðu FÍH

Árni Friðrik Scheving fv.varaformaður Félags íslenskra hljómlistarmanna er látinn 69 ára að aldri.
Góður vinur, félagi og einstaklega fjölhæfur hljómlistarmaður hefur kvatt þessa jarðvist langt fyrir aldur fram. Árni starfaði með öllum helstu hljómsveitum og tónlistarmönnum þessa lands á öllum sviðum tónlistar.
Árni var gerður að heiðursfélaga FÍH á síðasta aðalfundi félagsins í maí sl. fyrir ómetanleg og farsæl störf í þágu okkar hljómlistarmanna.

Orðstír hans gleymist ekki. Blessuð sé minning hans.

Athugasemdir

[Ingigerður Friðgeirsdóttir, 23.12.2007 kl. 15:20]

Gleðileg Jól.

[Linda Lea Bogadóttir, 23.12.2007 kl. 17:21]

Samhryggist innilega

Sendi mínar bestu óskir um gleði og frið á jólunum til þín og þinna.
Þakka samveruna í bloggheimum á árinu sem er að líða. 

Megi nýtt ár færa þér enn meiri gleði og hamingju.

Jólakveðja

[Magnús Geir Guðmundsson, 23.12.2007 kl. 18:09]

Einar Bragi minn!

Já, þær eru áhrifaríkar stundirnar þegar vinir og ættingjar falla frá og oftar en ekki erfiðar er viðkomandi deyr fyrir aldur fram, eins og Árni! 69 ár ekki hár aldur.

Þekkti auðvitað nafn hans og Einars Vals sonar hans vel, þeir hafa til dæmis verið mikið saman hygg ég með hljómsveit Hauks Heiðars Ingólfssonar læknis og píanóleikara, sem ég held ég eigi einar þrjár plötur með!

SAmúðarkveðja um leið og ég óska þér og þinni litlu fjölskyldu gleðilegra jóla og þakka kærlega fyrir góð samskipti á árinu sem senn rennur sitt skeið!

Megi nýja árið verða svo gott og farsælt!

[Ester Júlía, 23.12.2007 kl. 18:12]

Samhryggist :'(

[Guðmundur Arnar Guðmundsson, 23.12.2007 kl. 18:30]

Samhryggist, þarna var fram úr hófi góður maður á ferð.

[Billa Árna (IP-tala skráð) 23.12.2007 kl. 18:42]

Ég og mín stór fjölskylda eigum eftir að sakna hans.Þar fór góður frændi með stórt faðmlag og hjartahlýju, vildi allt fyrir alla gera. Blessuð sé minning hans.