Hættu nú

Það er alveg komið nóg..........Frágangur þarna er alveg til fyrirmyndar....eina sem hefst kannski með þessu rausi þínu eru í mesta lagi tafir og þær eru ekki góðar.

Krefst umhverfismats á virkjun Fjarðarár

Athugasemdir

[Johnny Bravo, 9.9.2007 kl. 15:56]

Það er um að gera að þetta sé gert snyrtilega, en það má alveg virkja fyrir mér. 

Nennti nú ekki að lesa þetta allt. Gat ekki fundið hvar þessi virkjun er eiginlega.

[Jóhann (IP-tala skráð) 9.9.2007 kl. 16:08]

Þetta snýst um annað og meira en snyrtimennsku.

[Einar Bragi Bragason., 9.9.2007 kl. 23:03]

er það.... ekki held ég það .......Fossarnir í ánni halda sér ....við fáum rafmagn .......umhverfið jafnar sig og allar leiðslur neðanjarðar.......þetta er ekki fallegt núna en verður fínt.

[Einar Bragi Bragason., 9.9.2007 kl. 23:05]

Hér er linkur inn á verkefnið...skoðið allar myndir vel....

http://www.iov.is/is/verkefni/fjardara/

[Örlygur N. Jóhannsson (IP-tala skráð) 9.9.2007 kl. 23:15]

Hjörleifur er bara á móti virkjunum og öðrum framförum.  Hann er náttúru-kverúnlant og þvermóðskufullur með afbrigðum.

[Ómar Ragnarsson, 9.9.2007 kl. 23:27]

Í þessu landi eru lög um mat á umhverfisáhrifum sem menn smeygja sér fram hjá. Skrýtið er að sjá menn nöldra yfir því að farið sé með gát að því að virkja það íslenskt vatnsfall sem hinn erlendi gestur sér fyrst þegar hann stígur á land á Seyðisfirði.

Það eitt ætti að nægja til þess að um þessa á gildi það sem augljóslega á að gilda um hana. Það er leitt að sjá það skítkast og skæting í garð Hjörleifs Guttormssonar sem menn hafa tamið sér samanber það að hann sé "á móti öðrum framförum."

Hjörleifur þarf ekki að óttast dóm framtiðarinnar heldur fremur þeir sem reyna að níða af honum skóinn. Hjörleifur er einn af helstu brautryðjendum í umhverfismálum á Íslandi og var árum saman á undan sinni samtíð.

Talsmaður virkjunaraðilans sagði mér fyrir tveimur árum að þess yrði gætt að fossarnir í ánni héldu sér svo að virkjunin hefði ekki nein umtalsverð umhverfisáhrif.

Nú er hins vegar það uppi á teningnum að auka afl virkjunarinnar verulega og ég get ekki séð annað en það afl hljóti að verða tekið af fossunum.

Auk þess sýnist mörgum að um þessa virkjun gildi það sama og um Múlavirkjun á Snæfellsnesi, að miklu lengra er gengið en látið var í veðri vaka í upphafi.

Af því leiðir að það ætti að vera sjálfsagt mál að beita mælikvarða laga um mat á umhverfisáhrifum á svona stóra virkjun á jafn fjölfarinni upphafsleið tugþúsunda erlendra gesta okkar.

[Einar Bragi Bragason., 9.9.2007 kl. 23:40]

Já rétt er það Ómar ég get vissulega tekið undir það ...að það hefði vissulega átt að gera það í upphafi en það var ekki gert vegna þess að það var ákveðið af öðrum en virkjunar aðilum að þess þyrfti ekki.

Það getur verið að menn séu að leika sér að tölum og spila inn á þær ....þetta með að Fossarnir munu vera í hættu vegna aukins afl virkjuninar hef ég aldrei heyrt og spjalla ég þó reglulega við þá sem við virkjunina vinna.

Um Múlavirkjun veit ég lítið sem ekkert.

Málið er og kannski ástæðan fyrir því að maður er farinn að verða pirraður í þessu máli er að mér sýnist sem Íslensk Orkuvirkjunsé að vanda vel til verksins og hef því ekki miklar áhyggjur af þessu þó að ég sé sammála að þetta rót sé ljótt.

Það er þegar byrjað að ganga frá þar sem pípan kemur niður að virkjunarstæðinu og er sá fragangur til fyrirmyndar.

Leyfum þeim að fá frið til að vinna sitt verk.....ég vil ekki þurfa að sjá allt hálfklárað vegna þess að Hjörleifur ákvað að vera á móti þessu.

Að krefjast umhverfismats núna .....löngu seinna......er fyrir mér svipað og að kæra þig fyrir að aka eða hafa flugvöll einhversstaðar þar sem það truflar engan og er jafnvel farið á kaf.....mörgum árum seinna:)

En vissulega á að fylgjast með og passa upp á hlutina.

[Steingrímur Helgason, 10.9.2007 kl. 00:29]

Ég er enn á því að fyrri virkjunin hefði líka átt að fara í umhverfismat, enda hefur hún verið stórt lýti á náttúrufegurð Seyðisfjarðar í heila öld, eins & frægt er.

Fjöldi fólks hefur flúið þetta fallega þorp unnvörpum síðan hún var reist, en einhverjir þrjóskupúkar sitja enn eftir & monta sig yfir því einu að geta notað eitthvað 'rafmagn', eins & það skipti nú einhverju máli í lífsgæðum fólks.

Ja, sveiattan,

[Einar Bragi Bragason., 10.9.2007 kl. 00:44]

Fyrri virkjunin????? hún er 94 ára.

Það getur vel verið en ég verð að viðurkenna að ég veit lítið um hennar forsögu.

En það má fræðast á http://www.fjardarsel.is/index.htm

[Einar Bragi Bragason., 10.9.2007 kl. 00:45]

ég þekki nú bara Seyðisfjörð með Fjarðarselsvirkjun þannig að mér hefur alltaf fundist hún vera í fínu lagi.

Annars er ég búinn að fatta kaldhæðnina og húmorinn í þessu hjá þér.

[Björg Árnadóttir, 10.9.2007 kl. 09:59]

Það er líklega orðið of seint að breyta því sem orðið er. Hins vegar er nauðsynlegt að fylgjast með að farið sé eftir því sem fyrir er lagt og að ekki sé gengið lengra en heimildir leyfa. Orðtakið "Mikið vill meira" á við um þetta eins og flest annað.

[Jón Halldór Guðmundsson, 12.9.2007 kl. 10:17]

Hjörleifur Guttormsson þarf örugglega ekki að óttast dóm framtíðarinnar.  Orð hans um að virkjunin sé tifandi tímasprengja sem vofir yfir byggðinni eru að mér sýnist eins og þarna sé maður sem hefur fengið andstöðu við þessa virkjun á sálina.  Þessi frábæri fræðimaður, sem hefur unnið margt stórvirkið á sínu sviði, er af meginþorra þjóðarinnar ekki tekinn alvarlega þegar umræða um virkjanir á Íslkandi er annars vegar.  Ég er hræddur um að þetta sé dómur samtíðarinnar um hann.

Svo er þetta með Múlavirkjun og fyrirhugaða stækkun Fjarðarárvikjunar frá fyrri áætlunum. Ég tel rétt að við höldum vöku okkar í því máli. Við megum hins vegar ekki fyrirfram dæma vikjunaraðila fyrir brot annrs virkjunaraðila. Slíkt er ekki sæmandi manni á borð við Ómar Ragnarsson.