Fjarðarheiðin falleg er þó gjarnan megi bora

 og botna svo.

íslendingar svona erum við !!!!!!!

Íslendingar....

+15°C
Fólkið á Spáni notar kuldaúlpur og þykka vettlinga.
Íslendingar liggja í sólbaði.

+10°C
Frakkar reyna af vanmætti að fá kyndinguna í gang.
Íslendingar planta blómum í garðana sína.

+5°C
Bílar á Ítalíu neita að fara í gang.
Íslendingar fara að gamni sínu í bíltúr á Saab druslunni.

0°C
Eimað vatn frýs.
Vatnið í Hvítá verður aðeins þykkara.

-5°C
Fólkið í Kaliforníu frýs næstum til dauða.
Íslendingarnir grilla í síðasta sinn áður en veturinn skellur á.

-10°C
Bretar byrja að kynda húsin sín.
Íslendingar byrja að nota langerma boli.

-20°C
Götusalar byrja að flýja frá Mallorca .
Íslendingar enda miðsumarshátíðina. Haustið er gengið í garð!


-30°C
Grikkir deyja úr kulda og hverfa af yfirborði jarðar.
Íslendingar hætta að þurrka þvott úti.


-40°C
Eiffelturninn byrjar að gefa eftir í kuldanum.
Íslendingar standa í biðröð við pylsuvagnana.


-50°C
Ísbirnirnir byrja að flykkjast burt frá Norðurpólnum.
Íslenska landhelgisgæslan frestar björgunaræfingum, í von eftir alvöru vetrarveðri.


-60°C
Mývatn frýs.
Íslendingar leigja sér spólu og halda sig inni við.


-70°C
Jólasveinninn heldur í suðurátt.
Íslendingarnir verða pirraðir því þeir geta ekki geymt brennivínið sitt úti.
Íslenska landhelgisgæslan setur í gang björgunaræfingar.


-183°C
Örverur í mat lifa ekki af.
Íslenskar kýr kvarta yfir handköldum bændum.


-273°C
Öll atóm staðnæmast vegna kulda!
Íslendingar byrja að tala um að það sé kalt úti.


-300°C
Helvíti frýs!
Ísland vinnur Eurovision!

Eitt lag enn.......ekki Mercedes til Serbíu takk fyrir

Þessi blessaða júróvísíón keppni er víst komin út í það að hinir ýmsu menn eru að hampa hinu og þessum lögum í fjölmiðlunum....td hefur sprelligosafélagið í Reykjavík og Logi Bergmann greinilega ákveðið að best sé að gera okkur af algjörum fíflum úti í Serbíu og hampa Hó hó laginu mikið.....ég segi bara eins og Guðrún Gunnars n.b. sem var eini gesturinn í þessum þáttum sem þorði að segja eitthvað frá sínu brjósti og fékk bágt fyrir hjá vöðvatröllunum,,,er ekki rétt að senda fólk út sem getur sungið.

Annars er ég enn á þeirri skoðun, að ég botna ekkert í því af hverju lagið Ég bíð þín enn sem er hér til hliðar í spilaranum komst ekki í þessa keppni.....(Já já ég veit ég er mjög hlutdrægur he he) ég gerði lagið en Guðmundur R Gíslason Sú Ellen maður textann(þetta er nú bara demó,eins og það var sent)..Annars finnst mér ekkert af þessum lögum neitt meiriháttar en ætla að standa með Eurobandinu,,,,ástæðan!! jú þarna eru topp söngvarar og gengi sem munu verða okkur til sóma,,bæði inn á sviði og fyrir utan.

Sjónvarpið má síðan skammast sín fyrir þetta fyrirkomulag á þessari keppni .......þvílík langloka og þvílík vitleysa að vera velja einhverja sér menn og konur til að semja fyrir þessa keppni...Að hafa keppnina opna er nefnilega vítamínsprauta fyrir tónlistarfólk í öllu landinu....allsstaðar fara menn að semja og taka upp.....og uppskeran.....jú nokkur hundruð Íslensk lög.

LISTAHÁSKÓLINN Í HEIMSÓKN

Á hverju ári fáum við Seyðfirðingar skemmtilega heimsókn frá Listaháskóla íslands en þá kemur vaskur hópur af ungu fólki með frjótt ímyndunarafl hingað í fjörðinn fagra og iðkar list sína af kappi laust við eril stórborgarinnar,enda Seyðisfjörður mekka myndlistarmanna.

Þessa daga er sem sagt ýmislegt í gangi og er alltaf gaman að sjá hvað kemur út úr þessari vinnu hjá krökkunum.

Eitt árið var td búið að mála nokkra ljósastaura í bænum appelsínugula.

Þessi hópur stóð fyrir smá uppákomu á Kaffi Láru í kvöld og skellti ég mér á viðburðinn......ekki skil ég alltaf allt sem er í gangi hjá þessu fólki, en það er líka allt í lagi og víkkar bara sjóndeildarhringinn hjá manni.Hér eru símamyndir frá í kvöld.

 

Eru Baunar barbarar norðursins ?????

Eru Baunar barbarar norðursins ??????

 Miðað við síðustu fréttir frá Danmörku mætti halda það,fréttir af uppþotum og íkveikjum í skólum einnig bílum út um allt í Baunaveldi ....sem er þá kannski orðið bananalýðveldi.

Er kannski þetta fræga frjálsræði í Danmörku að koma í bakið á þeim....Frjálsræðið sem sum okkar sækjast svo mikið eftir.

Hvað finnst ykkur?????? 

Plötudómar,Laugardagslög,Akureyri,Mývatn,Mótmæli í kirkju ofl........

Eins og fyrr hefur komið fram var skroppið norður í hinn fallega bæ Akureyri um helgina, bæði til að versla og slappa af.

Þetta með að versla er ekki alveg að ganga upp á Akureyri, þar er mikið af fínum verslunum en opnunartími þeirra er eitthvað sem mætti skoða....Þarna eru stór íþróttamót meira og minna allar helgar og mikið af fólki í bænum en verslunareigendur eru ekki alveg að kveikja.Sundlaugin á Akureyri er líka í svipaðri klípu...þar er rekið upp úr kl 18.30 á laugardögum.....hmmmm.

Laugardagslögin ...úfff ætla helst ekki að segja mikið um lögin nema að mér finnst sum þeirra vera eins og brandari sem er bara hægt að segja einu sinni, en það vakti athygli mína þegar ég var kíkja á þessi lög á Tónlist.is að aðeins örfá þeirra eru í löglegri Eurovision lengd...sem er 3 mínútur.

Þetta er svolítið mikið furðulegt því að sum lög bara hreinlega virka ekki þegar að það er búið að stytta þau niður í 3 mín...þetta er svolítið eins og að sýna kjól sem verður allt í einu að pilsi.

Plötudómarar MBL eru náttúrulega menn sem þurfa aðeins að fara spá í hvað þeir eru að skrifa....Var að lesa plötudóm yfir frumraun Hljómsveitarinnar Bermuda og finnst mér hún vægast full harkaleg og þá sérstaklega í ljósi fyrri dóma í því ágæta blaði mbl sem ér er að spá í að fara segja upp áskrift af.Ég meina Sprengjuhöllin 5 stjörnur......Bermuda 2 og hálf.....er ekki í lagi

Heyrði af mótmælafundi í Fríkirkjunni í Reykjavík og verð að segja að það finnst mér ekki passa.......Mótmælum meira og allt það en gerum það einhversstaðar annarsstaðar heldur en í kirkju.

Leirböðin við Mývatn eru snilld og gaman að koma þar við eins og við gerðum þar í dag....mæli með því.

Keypti mér M.Jackson cd 25 ára afmælisútgáfu......eldist vel og svo C.Aguileru Back to Basics live DVD ......vááááá þvílikir tónleikar.

PS....það sem er best við Laugardagslögin er þessi unga söngkona Hrund Ósk Árnadóttir......sú er góð...váááá 

Föstudagsfjör eitt frá þeim áttunda.Vanir menn villtar meyjar og vandræðabörn

Ég þrái sumar og sól erl lag flutt að 1.Stjórninni tekið upp að ég held 1987 eða 8.......Söngur Alda Björk Trommur Matti Hemstock Gítar Hilmar Jensson Hljómborð Grétar Örvarsson Bassi Eiður Arnarsson sax EBB.Er í spilaranum hér við hliðina.Þetta lag naut mikilla vinsælda á Rás 2 á þessum tíma.

 

Hér er svo mynd sem er algjört gull... af bandinu eftir að Sigga kom í það ásamt Jónsa á gítar og Steina á trommur.Fötin komu úr þeirri frábæru verslun Vanir menn villtar meyjar og vandræðabörn,,,,,,,,,munið þið eftir henni

Hey Stjórnin á þá afmæli. 

Af hverju í andsk.

Er verið að skipuleggja svæði þar sem flugvöllurinn er,lífæð okkar landsbyggðarmanna.....þar fóru 6 millur í bull.Staðsetning Reykjavíkur flugvallar er okkar beina leið á spítala..........eins og ég hef spurt áður.......er líf okkar á landsbyggðinni svona helv. lítils virði.

Nú ek reiður.

Úrslit í keppni um skipulag Vatnsmýrar kynnt

Heitir Austfirðingar takast á....um útvarpsstöðvar.

Það er greinlegt að menn geta átt von á að samræður þeirra af blogginu hér á MBL endi í blöðunum...

Draugagangur eða ??????????

Að kenna í húsi sem er byggt árið 1907 er alveg frábært, stundum brakar í því og í vondum veðrum hristist það svolítið....þetta er hús með sál og kannski einhverju fleiru??????.

Fyrir nokkrum árum var ég að kenna Tónfræði á miðhæð hússins er einn gamall Seyðfirðingur kíkti í heimsókn, fór hann að segja okkur frá hvernig herbergja skipan hefði verið í húsinu og fl.

Einnig sagði hann að í stofunni sem að ég var að kenna í hefði hann og systir hans átt herbergi en systir hans hefði aldrei sofið almennilega þar sem að henni var alltaf sparkað fram úr rúminu af einhverju eða einhverjum.

Ég og mín fjölsk bjuggum þarna á efstu hæð fyrstu ár okkar á Seyðisfirði og urðum aldrei var við neitt nema að í þessu húsi er einstakur andi og frábært að vera þar.

Í fyrra var kjallarinn allur tekinn í gegn og er þar í dag frábær salur með flygli trommum og alles.Einnig er þar lítil kaffistofa og þar gerast stundum dularfullir hlutir........Það er nefnilega ansi oft ljós þar þegar að ég kem á morgnanna þó að ég sé 100% á því að ég hafi slökkt kvöldið áður........En ef það er Hr Steinholt sjálfur(húsið heitir Steinholt) eða einhver annar þá er bara gaman að fá hann í heimsókn.